FREE CATARACT PHACO EYE CAMP HLAWHTLING TAKA NEIH A NI.
National Programme for Control of Blindness, Serchhip District leh Eye Care Hospital te buatsaihin 27th to 1st March 2023 hian Free cataract operation Eye camp neih a ni a.
Free cataract operation Eye Camp hi E. Lungdar PHC, N. Vanlaiphai PHC, Chhingchhip PHC, Thenzawl CHC leh Serchhip District Blindness Hospital ah te neih thin a ni tawh a. Tun tum 27th to 1st March 2023 hian E. Lungdar PHC hmunah buatsaih ve thung a ni.
24th Feb, 2023 khan Dr KL Remsanga Eye care Hospital team leh DBCS Serchhip lam ten E. Lungdar hi an thlen chilh tawh a. E. Lungdar PHC Staff te nen Damdawiin hmunhma te ti faiin Inrinni atang khan Investigation kal tan pui nghal a ni.
Serchhip District chhunga Opthalmic Assistant ten Cataract Screen backlog an lo neih tawh sa bakah 27th Feb, Monday ni hian Free clinic tlai dar 3 thleng neih nghal a ni a, mi 130 vel in entir an awm. He mi ni hian Aizawl atangin Dr. Lalbiaksiami SPO, NPCB&VI leh staff 2 ten a hmunah an rawn tlawh a. Serchhip lam atangin Dr.ZD Lalmuanawma DPM pawhin Eye camp hi a rawn tel pui bawk a ni.
Free clinic zawh ah hian Catarct Operation neih nghal a ni a, zan dar 8:30 thleng hun hmangin mi 17 zai hman a ni.
Ni.28.2.23 Thawlehni hian Dr. Lalzawmi CMO, Serchhip District leh Staff 4 in Eye Camp hi an rawn tlawh bawk a. Dar 11:00 vel atangin surgery hi tan leh nghal a ni a. Zan dar 9 vel khan zawh fel a ni ta a ni.
Free Cataract Operation Phaco Eye Camp ah hian Serchhip District chhunga khaw hrang hranga Eye Screening neih tawhna Ngentiang, Khawlailung, N. Vanlaiphai, Bawktlang, Leng, Sailulak, Chekawn, Mualcheng, leh Serchhip atang te in phurh khawm an ni a, he mi chhung hian mi 40 hlawhtling taka zai hman a ni.
Eye Camp buatsaih a nih theih nana rim taka thawktu E. Lungdar PHC Medical Officer leh Staff te bak ah Chief Medical Officer, Serchhip District leh State Programme Officer, NPCB&VI te vangin hlawtling takin Eye Camp hi neih a ni.
A bik takin heng zawng zawng hlawhtlinna bul ber Eye Care Hospital Dr KL Remsanga leh a naute inpekna a ropuiin an thawkrim em em a,Patient khaw hmu tha tawh lo ten lawmthu lam chung meuh a an han sawi hi an phu ngawih ngawih a ni.
